Kuch waqt baaki hai

Haan abhi kuch waqt baaki hai

Meethi yaadon ko dil ke andar basane mai

Ateet ko khushi khushi apnane mai
Uttejana ke fir jaag uthne mai..

Kuch waqt baaki hai
Dooriyon ke mit jaane mai
Is chaand ke dhalne mai
Dosti ke taaron ke jagmagane mai..

Kuch waqt baaki hai
Is faasle ke kam hone mai
Uss hasi ko taza karne mai..
Us mehekti hui dosti ke khilne mai

Kuch waqt baaki hai
Tez dhadkan ke sehem jaane mai
Ruthe hue dilon ke muskurane mai
Ankhon ki nami ko sukhne mai
Bichde hue dostaane ke milne mai

Kuch waqt baaki hai
Baarish ki boondon mai bheegne mai
Thandi bayara mai sama jaane mai
Jaagi hui arzoo ke poore hone mai..

Kehta hoon roz dil se apne

Ki tu is dhairya ko niharta rahe

Kyunki haan abhi kuch waqt baaki hai
Us dosti ki manzil paane mai..